بشري : اخي المدخــــن مبروك انت كسبت

اخي المدخن ,,,,,,,,,,

مبروك انت كسبت

اذيك يا اخي المدخن عايز بس اقولك حاجة قبل ما تولع السيجارة انت عارف ان السيجارة الي في ايدك بتحملك ذنوب جارية ايوة مش مصدق طب خليك معايا واحدة واحدة.

ايه رايك في صاحبك الي انت قاعد جنبه وولعت سيجارة وعزمت عليه بواحده راح خدها منك ؟تفتكر مشيلتش ذنبه واكيد ده بيتكرر كتير ياتري شيلت كام ذنب لحد دلوقتي.

وتخيل وانت ماشي في الشارع ماسك سيجارة في ايدك وبعتملها دعاية وياسلام لو حد شافها في ايدك وعجبوا الموضوع ده هتشيل ذنبه برضه هو كمان لحد ما يموت ياتري كل دول شيلت ذنبهم ولسة كام ذنب هتشيله .

طب اسمع الحديث ده لعل كلام النبي حبيبك ياثر فيك اكتر مني ما انت اكيد بتحبه صح ؟ طب تفتكر هو هايحبك وانت مسلم وبتعمل دعاية لذنب كل يوم في حياتك

عن النبي انه قال " من دعا الي هدي كان له من الاجل مثل احور من تبعه لا نيقص ذلك من اجورهم شيئا ومن دعا الي ضلاله كان عليه من الاثم مثل اثام من تبعه لا ينقص ذلك من اثامهم شيئا "

وفي حديث اخر "من سن في الاسلام سنة حسنة كان له اجرها واجر من عمل بها من بعده لا ينقص ذلك من اجورهم شيئا ومن سن في الاسلام سيئة كان له من وزرها ووزر من عمل بها من بعده لا ينقص ذلك من اوزارهم شيئا "

ياتر ياخويا بالله عليك السيجارة تستاهل تعمل في نفسك عشانها كده ابعد عنها اذا ما كنتش تعرف اديك عرفت اد ايه هي بتضرك في صحتك ومالك وحسابك يوم القيامه يعني بتاذيك دنيا واخرة ولسة بتحبها .

توب منها الان الي الله توبه صادقة واسمع حديث حبيبك " انك ما تركت شيئا لله قط الا عوضك الله بخير منه "صدق رسول الله صل الله عليه وسلم

قوله يارب انا سبتها علشان خاطرك فعوضني يارب انشراح في صدري وراحة في نفسي عوضا منك ياكريم وقوله يارب انت اغلي عندي من السيجارة يارب انا مش عبد ليها انا عبد ليك انت اعمل كده وشوف ربنا هايعملك ايه في قلبك ويفرحك ازاي ده هو الي بيقول "وانه هو اضحك وابكي "

وهاتشوف انت كسبت رضا ربنا وكسبت نفسك وصحتك وفلوسك وشوف كمان المفاجاه كل واحد هايشوفك بطلت ويعرف ان موضوع انه يبطل ده سهل كده ويقلدك تاخد كل حسنات صبره عنها لحد ما يموت قال تعالي "اصحاب الجنة هم الفائزون "